Politikaren oinarrizko kontzeptuak - Lehen eguna

Mendiola / Argitaratua ostirala, azaroa 25, 2016 0 iruzkinak 1. eguna Politikaldia politikaren oinarrizko kontzeptuak

Indar harremanetan dago oinarrituta politika, identitateen arteko indar harremanetan. Identitate horiek herriak dira. Ezinbestekoa da jakitea zein herrirekin identifikatzen garen, jakiteko zein jokotan sartu eta zeinetan ez. Historiak erakutsi duen bezala, herri batzuek besteak azpian harrapatzen dituzte. Hor jadanik bi identitate mota ageri dira; beraz, bi politiko ikuspegi, bi joko, bi interes. Azpian geratu diren identitateei, ordea, menderatzaileak sinetsarazten die joko araua bakarra dela eta hortik kanpo ez dela deus, beste identitaterik badenik ere ukatuz.

Herri baten egoerari buruz eta haren diagnosiaz hitz egiterakoan, ezinbestekoa da abiagune zuzena hartzea eta politika zer den jakitea.

Herri zapaldu batek zuritu behar duen lehen arazo soziala arazo nazionala da. Indarrak ongi neurtuz, “egoten” jakinik, zelatan, baina beti subjektu politikoa izanez, inoiz ez objektua.